Wir stellen uns vor (plattdeutsch AM)

lernen mit BehinderungDe SELAM-Lebenshülp keem 1990 at gemeenützige Gesellschupp togangen. Dat Seggen hebbt vondogen de Lebenshülp vor Minschen mit geistige Beeinträchtigung ut de Stadt Ollenborg un de Landkreise Wesermarsch un Ammerland.

Wat de SELAM-Lebenshülp will is, dat Angebot an ambulante Hülp vor Minschen mit Beeinträchtigung in Ollenborg un umto tosomen to bringen. In dat ganze Gebiet schall man dor wat von hebben. Bi de Hülp kummt dat nich up an, von wekke Ort de Beeinträchtigung is, wo schwor se is oder wat se vor een Grund hett. Dat Angebot von de SELAM-Lebenshülp richt sick dornoh, wat just disse Minsch brükt un wat he sick wünschen deit. De SELAM-Lebenshülp sett sick dovor in, dat Minschen mit een Beeinträchtigung in een Gemeenschup uphoben sünd un sick nich alleen vorkomen möt.

 

Selam Lebenshilfe Foto im GartenIn de Berik Assistenz bi't Wohnen (ABW) hebt se vor mehr at 60 Minschen een ambulantet Wohnsystem upboot, dat sick over dat ganze Gebiet von Ollenborg utstrecken deit. De Hülp kann een poor Stunnen in Anspruch nohmen weern ober ok "Rund um de Klock". Dat kann ambulante Betreuung wesen, Pleg direkt an den Minschen, Hülp in'n Hushalt, over ok in all de Frogen um dat Recht un dat Soziale.

Minschen mit een Beeinträchtigung, de ut dat Ollernhus utträken un een eegen Wohnung hebben wüllt, könnt Hülp kriegen bi dat Vorbereiten up de Selbständigkeit (Vorbereitung des Wohnens).

In den mobilen sozialen Deenst (MSHD) hölpt wi Minschen von hier noh dor to komen.

Vor mehr at 100 Familien mit een beeinträchtigten Angehörigen steiht Hülp parot, de de Familien entlasten könnt (familienentlastender Dienst : FED) In dat ganze Gebiet von Ollenborg, Wesermarsch und in'nt Ammerland kann de Familie stunnenwies, ganze Doge oder ok woll een Weekenend unterstützt weern, so dat eer Leben beten lichter ward.

In de Schoolbegleitung könnt Jungs und Deerns mit een Beeinträchtigung wen an de Siet kriegen, um eer den Besök von een Regelschool möglich to moken.

Die Assistenz in Utbildung un Beruf kümmert sick dor um, dat Minschen mit Beeinträchtigung een Beruf leern könnt um loterhen dat Utkomen to hebben.

At anerkannter Plegedeenst is de SELAM mit de Plegekassen verbunnen, so dat de Insätze un Leistungen over de Plegeversicherung afrekent weern könnt.

Over School un Arbeit rut gifft dat noch dat KIEK-IN, wo de Lü de free Tiet tobringen könnt. Dor hebt se ok Lü von den Sport un vor Reisen. Meisttiets in'n Sommer mokt se Reisen mit'n ganze Koppel.

IKerzenherstellungn de Tagesförderstätte find Minschen mit Beeinträchtigungen wat to doon, wenn se noch nich in een Warkstä vor behinderte Minschen (WfbM) arbeiten könnt. Dor passt de dorvor up, dat de Dag sin egen Ordnung hett. Un all, wat dor an Bastelarbeiten un Handwerk togangen komen is kann man denn ok in den Verkoopsstand köpen.

 

 

 

Öbersett mit de Hülp von de Familie Christmann